O 11 de agosto de 2025 comezan as Xornadas de Folclore, organizadas pola Deputación de Ourense, a través do Centro de Cultura Popular Xaquín Lorenzo, coa colaboración da Consellería de Cultura, Lingua e Xuventude e os concellos participantes.
O acto inaugural, co tradicional desfile de bandeiras, terá lugar no Centro Cultural Marcos Valcárcel ás 20:30 horas.
Seis agrupacións folclóricas de Argentina, Chile, Filipinas, Irlanda do Norte, Ucraína e Xeorxia percorrerán 16 concellos da provincia: Allariz, A Rúa, Bande, O Barco, Carballiño, Castro Caldelas, Celanova, Entrimo, Maceda, Manzaneda, Ribadavia, Trives, Verín, Viana, Xinzo e Ourense.
Participarán 187 artistas, con espectáculos nocturnos de música, baile e vestiario tradicional, de acceso gratuíto.
