É hora de medir a profundidade dos cadros de xogadores nun partido inédito. O Antela e o Silva afrontan o partido desta tarde (16.30 horas) na Moreira, correspondente á décima xornada, con baixas importantes nos dous equipos. Nos locais están mancados Xabi Lamas e Álex Boán. Pucho foi expulsado a semana pasada e sancionado con dous partidos, mentres que Pedro tamén será baixa. Nos visitantes non estarán Agulló e Buyo, dous habituais na defensa; Cano e Baldomar, dos xogadores máis utilizados no medio campo; nin João Paulo, o dianteiro máis veterano da categoría, con 41 anos. “Imos moi xustos de xogadores. É o momento de que outros poidan demostrar o seu nivel”, declarou onte Diego Armando, adestrador do Silva, a Deporte Campeón. O equipo coruñés suma catro vitorias en nove partidos, unha máis ca o Antela, e ten un punto máis na clasificación. “Será un partido difícil. Son xogadores con pouca experiencia, pero de bo nivel. Trataremos de propoñer un partido de ritmo alto”, avanza Armando. Bruno Gómez, pola súa banda, non se queixa. “O equipo está ben, estamos competindo ben e, se mantemos a liña, pronto volverán as vitorias”, dixo a La Región. A Moreira só viu unha esta tempada. Os dous últimos encontros disputados na casa remataron en empate. As boas noticias son as reincorporacións de Bruno Pío, despois de tres semanas lesionado, e de Gastón, ausente por sanción no partido de Pontevedra. Couto, Tiago e Cole poderían completar a defensa, con Bernardo e Constela á expectativa. No medio campo agárdase a estrea de Diabate, a última fichaxe. Na dianteira, Charli, Negrete, Carlos González, Tumbeiro e Cid disputaranse catro prazas. A canteira O xuvenil de Xurxo Santana viaxa este sábado ata Nigrán para medirse, a partir das 16.00 horas, ao terceiro equipo do Val Miñor. Os locais perderon dous partidos no seu campo, mentres que o Antela, que chega con dous puntos de vantaxe, foi quen de gañar como visitante en Bouzas, en Monforte e tamén ante o Santa Mariña. Comparte Copiado

A Gardia Civil, xunto á policía portuguesa GNR, realizou unha operación este venres pola mañá para investigar a venda de produtos falsificados en Xinzo de Limia e Verín. O operativo comezou cara ás 6:00 horas e contou co apoio dun helicóptero e de unidades caninas. Para poder entrar nos edificios, os axentes forzaron as portas de varias propiedades. Os puntos onde se actuou foron: Verín: os portais 108 e 77 da avenida de Portugal. Xinzo de Limia: o portal 66 da avenida de Madrid. Debido ao segredo de actuación (unha medida que impede dar detalles para non estragar a investigación), as autoridades aínda non confirmaron o número de detidos nin o material que se lle quitou aos implicados.

Xuntanza de palilleiras, na súa edición do 2025 BASILIO BELLO É 7 de novembro, e a actividade non é infinita, pero case. Teatro, música, magostos, artesanía, ciencia e máis  07 nov 2026 . Actualizado a las 05:00 h. Que facer un sábado 7 de novembro? Na Costa da Morte hai un mundo de opcións, e ademais para gustos diversos. Así se presenta a xornada na comarca en canto a actividade cultural e de ocio:  Vimianzo, pleno de palilleirasHoxe • Máis de 700 palilleiras de distintos puntos de Galicia daranse cita hoxe no pavillón polideportivo de Vimianzo, onde entre as 10.30 e as 19.30 horas, con parada para o xantar, participarán dun encontro de confraternidade organizado pola asociación As Nemanquiñas. É a 19.ª edición da xuntanza, á que acudirá, entre outras moitas autoridades, a nova subdelegada do Goberno, Encarna Rodríguez. Tamén unha ampla representación do PSOE, comezando pola candidata cabeza de lista ao Congreso, Obdulia Taboadela. Será xornada especial, ademais, pola representación, ás seis da tarde, do espectáculo Fíos da memoria, da compañía aAntena, peza homenaxe ás palilleiras. ANA GARCÍA Máis de media ducia de magostos: sabor a outono Hoxe • Castañas e cogomelos están de plena tempada, tamén na Costa da Morte. En canto a magostos, citas previstas para hoxe mesmo: Laxe. XV edición do magosto e Mostra de Artesanía organizadas polo Concello. De 17.00 a 20.00 horas, no polideportivo, con música de Os Farrapos, inchables, obradoiros, photocall e máis. Lema (Carballo). Organiza a AC Ría de Lema. Xogos e enredos de 17.00 a 19.00. Contada de Avelino González ás 18.00 e, dende as 19.00, castañas e outras viandas. Sísamo (Carballo). No local social, Festa da Castaña coa entidade veciñal. Sesión vermú co dúo Galán ás 13.00, xantar de confraternidade despois —castañas de sobremesa— e mais tarde animación infantil con Bonecos. Zas. O magosto organizado polo Concello será o vindeiro sábado, día 14, mais hoxe haberao tamén no centro sociocultural, dende as 17.00 horas, coa cantina dirixida polos alumnos de cuarto da ESO do CPI de Zas, que recadan así fondos para a súa viaxe. Por cada consumición, un cucurucho de castañas. Dende as 19.00, DJ Rokiño. Buño. No Ecomuseo Forno do Forte, organizado pola asociación O Quinteiro, magosto ás 19.30 horas. Antes, xogos de outono (17.00) e tardiña de contos con Celso Fernández Sanmartín (18.15). Queixas (Cerceda). Aquí as castañas van parellas a unha foliada, con actuacións dende ás 18.00 e foliada aberta das 21.00 en adiante. Colaboran veciños e Concello. Estramil (A Laracha). Oitavo magosto da asociación Fonte da Virxe. Dende as 14.00, con música en directo e xantar de veciñanza. De concertos, corais e cantos de tabernaHoxe • Trae este sábado 7 de novembro á comarca varias citas ligadas á música. Unha delas está inxerida precisamente no programa Novembro con música de Carballo, que reserva para hoxe ás 20.00 horas, no auditorio do Pazo, o 41.º aniversario do coro Aires de Bergantiños, dirixido por Xairo Campos. Coa formación estarán a Rondalla de Cedeira e o Coro Aimil de Xinzo. En Fisterra, por outra banda, dentro do Outono Cultural de Rapacollóns, 14 agrupacións de distintas procedencias percorrerán locais da vila ofrecendo cantos de taberna. De 19.00 a 22.00 horas andarán polos establecementos, antes dunha foliada conxunta no pub Manhattan (22.30). Finalmente, no Casino de Carballo, presentarase en sociedade Loulow en formato «all day long»: é un novo disyóquei da localidade. A entrada, de balde: entre as 17.00 e a 01.00 horas. Ramón Leiro Tres citas coa dramaturxia para abrigar este sábadoHoxe • Son varias as paradas teatrais deste sábado na comarca, entre elas o arranque do 33.º Ciclo de Teatro de Ponteceso, que comezará coa función Bernarda, de Malasombra, ás 22.00 horas. Xestión de entradas, cada semana, en Tesourería e Cultura, e no 630 907 124. En Corcubión, no auditorio Baldomero Cores, o Circuíto Galego de Teatro Amador fará parada na Casa da Cultura cunha nova peza, coma todas as restantes ás 20.00 horas. A compañía convidada é Teatro Pesadelo, co espectáculo Xa é hora. Tamén á vila veciña, Cee, chegará este sábado o Ciclo de Teatro Amador, neste caso coa agrupación Cardume e a obra O galego, a mulata e o negro: ás 20.00 horas, no auditorio Baldomero Cores, emprazado na Casa da Cultura. Cómpre lembrar, por outra banda, que en Muxía quedou aprazada a función Brazaletes, de Amorodio Teatro, prevista para hoxe ás 20.00. Así o deu a coñecer o Concello nas súas redes sociais. A ilustradora Xulia Pisón abre un mes de ciencia en galego no CoutoHoxe • A Fundación Eduardo Pondal, con sede en O Couto (Ponteceso), promoverá todo este mes de novembro un intenso programa dedicado á divulgación científica en galego. Serán 12 propostas destinadas a público infantil, mocidade e adultos. Encontros, obradoiros, actividades escolares, exposición ou unha proposta audiovisual integran este Novembro, mes da ciencia en galego, con iniciativas tanto na propia fundación como en centros educativos e outros espazos, inxeridas en moi diversas disciplinas. A cita inicial será precisamente hoxe, ás 11.00 horas, na lareira da entidade, coa mostra Stons, de Xulia Pisón. A continuación, coordinará un taller de estampación. Xulia é autora de banda deseñada, ilustradora e divulgadora científica. Arte en Carballo: galería Eirín Unha exposición distinta, mais tamén exposición, será a que se inaugure hoxe, ás 12.00 horas, na galería Manolo Eirín de Carballo. Neste caso é unha mostra colectiva, Seis menos un, un proxecto que presenta a obra e visión de catro artistas: os escultores Álvaro de la Vega e Enrique Saavedra, a fotógrafa María Meseguer e o creador carballés Luís García. Mariajo sumará o acompañamento musical. Será unha inauguración alongado no tempo, ata as 15.00 horas. Sensibilidades e perspectivas distintas, baixo un mesmo teito. ANA GARCIA Entre cogomelos, literatura ou baileHai hoxe un bo número de celebracións festivas en parroquias da comarca, e ademais outras destacadas citas alternativas: Micoloxía en Cee. As Xornadas Micolóxicas da Costa da Morte, da asociación Pan de Raposo, son toda unha referencia: 25 anos. Hoxe haberá exposición de cogomelos e traballos de alumnado, na Casa da Cultura, de 10.30 a 13.30 e de 16.30 a 19.30. Ás 12.00, visita guiada e, ás 17.00, por outra banda, charla de José Antonio Castro Marcote: Achegamento aos cogomelos con láminas. Baile. É día de baile no salón de actos de Cee: ameniza Ana Angueira (19.00 horas). Tamén no centro social de O Moucho, á mesma hora, co dúo Reflejos. No local social de Oca (Coristanco) canta Martín Reimúndez ás 17.30. Literatura. Xosé Antonio Andrade presenta a súa obra Querida Paula: libraría Risón de Laxe (19.00). Archivado en: Costa da Morte Artesanía Carballo municipio Teatro Laxe

A Guardia Civil e a GNR portuguesa realizaron este venres unha serie de registros en Xinzo de Limia, Verín e A Gudiña. A investigación podería estar relacionada coa venda de produtos falsificados. Aínda que a policía non puido dar detalles porque o caso está en secreto de sumario (unha medida legal que impede dar información sobre o proceso), as sospeitas apuntan á falsificación de mercadorías e non a billetes falsos. Os puntos máis destacables da operación foron: Xinzo de Limia: Axentes con o rostro cuberto entraron en varios edificios, destacando unha intervención nun piso da avenida de Madrid. Verín: Houbo un gran despliegue de máis de 20 axentes que contou co apoio dun helicóptero. A Gudiña: Tamén formou parte dos puntos onde se realizaron os registros.

A Garda Civil e a policía portuguesa (GNR) despregaron este venres un amplo operativo en Xinzo de Limia, Verín e A Gudiña para investigar delitos contra a propiedade industrial. As autoridades están a rexistrar varios inmobles nos tres concellos, unha actuación que se atopa baixo segredo de sumario, o que significa que a información sobre a investigación non se pode facer pública polo momento. Estes son os detalles máis importantes do dispositivo: Onde: As inspeccións céntranse na Avenida de Madrid (número 66) en Xinzo, e en dous inmobles de Verín (números 108 e 77). Cando: O operativo comezou arredor das 06:00 horas desta mañá. Medios: Participan preto de vinte axentes en Verín, con apoio de cans adestrados e un helicóptero da Garda Civil que sobrevoa a zona. As forzas de seguridade desmentiron os rumores que circulaban polas redes sociais sobre un suposto tráfico de billetes falsos. A investigación, que continúa aberta a ambos os lados da fronteira, céntrase exclusivamente na venda de produtos falsificados.