O circuíto provincial de cine de verán arranca este domingo no Carballiño. O programa levará proxeccións gratuítas ao aire libre a 30 municipios da provincia durante os meses de xullo e agosto.
A iniciativa, impulsada pola Deputación de Ourense en colaboración con Gadis e a Asociación Española contra o Cancro, busca achegar a cultura aos concellos que non contan con salas de cine estables. A carteleira consta de nove películas con protagonismo galego, como Rondallas, Leo & Lou e Antes de nós.
As sesións comezan todas ás 22:30 horas. Aquí tes as datas máis próximas:
- 14 de xullo: O Carballiño
- 22 de xullo: Rubiá
- 23 de xullo: A Pobra de Trives
- 24 de xullo: Carballeda de Avia e Xunqueira de Espadanedo
- 27 de xullo: Vilar de Barrio
- 30 de xullo: Taboadela
Ademais dos xa citados, o circuíto percorrerá tamén as localidades de Vilamartín de Valdeorras, Lobeira, A Peroxa, Verín, Baños de Molgas, Bande, Maceda, Sarreaus, Trasmiras, Verea, Cualedro, Castrelo de Miño, Boborás, Vilar de Santos, Esgos, Vilardevós, Piñor, A Teixera, Avión, Melón, Maside, Ribadavia e Larouco.
