
Actividades ambientais na Aldea de Saa

NOTICIAS A LIMIA | Antonio Míguez dimitirá como alcalde de Vilar de Santos o vindeiro luns 17

Convocado o II Certame Literario Antón Tovar en Vilar de Santos

Deporte e Solidariedade no Agro. Colaboración coa ONG Goles Contra el Cáncer Infantil.

Bono Emancípate. Axudas para a xente nova traballadora

Actividade física e promoción da saúde

Comunicación da situación de risco en relación á influencia aviaria en aves


Plan de mellora de camiños rurais 2024-2025 no Concello de Vilar de Santos

Aviso urxente dos Reis Magos

FOTOGALERÍA | Vilar de Santos lembrou a lenda na I Festa da Arracada
Onte celebrouse na aldea de Sáa a primeira edición da Festa da Arracada, unha celebración que deu os seus primeiros pasos cun programa de actividades pensadas para reivindicar a nosa cultura e fortalecer os lazos comunitarios. A xornada deixou claro o potencial desta iniciativa para medrar nos vindeiros anos.
Entre as actividades, destacou especialmente a representación teatral "A lenda da Arracada" que contou coa colaboración imprescindible da asociación Civitas Limicorum, cuxo compromiso e esforzo foron clave para o éxito desta festividade, xa que ca súa posta en escena, logrouse dar vida ás raíces históricas da nosa rexión, poñendo en valor o patrimonio material e inmaterial e achegándoo á poboación para ofrecerlles unha mellor comprensión e interpretación dos bens patrimoniais autóctonos. Outras propostas, como a Xincana Celta, o Xantar Popular e as Olimpíadas Celtas, contribuíron a enriquecer unha celebración que combinou tradición e convivencia nunha contorna natural única.
Dende o Concello de Vilar de Santos agradecen o apoio de todas as persoas e entidades implicadas, así como animar á veciñanza e visitantes a participar nas próximas edicións para consolidar esta festa como cita imprescindible no noso calendario cultural.
