Xinzo de Limia, a 19 de xaneiro de 2024. No día de hoxe celebrouse en Xinzo de Limia a primeira reunión de Policías Locais entre oito concellos da nosa provincia: Allariz, Barbadás, O Barco de Valdeorras, O Carballiño, Celanova, Ribadavia, Verín e Xinzo de Limia.
Á súa chegada a Xinzo, os distintos axentes foron recibidos polo alcalde de Xinzo, Amador Díaz, o concelleiro de mobilidade Moncho Gómez, e o inspector xefe da Policía Local José Manuel Estévez, quen foi promotor desta iniciativa. Tras este primeiro encontro procederon á reunión de traballo, onde se trataron diferentes apartados do día a día das tarefas da Policía Local, así coma novas metodoloxías ou a creación de convenios intermunicipais de cara ó reforzo de eventos multitudinarios. Tamén se puxeron en común os proxectos que se están levando a cabo por parte das xefaturas de Policía Local dos diferentes Concellos e coñeceron o novo software policial Apolo.
Como remate á estancia en Xinzo de Limia, visitaron o Museo Galego do Entroido para poñer en valor o noso rico patrimonio e o noso Entroido, que está a piques de comezar.
Xinzo de Limia acolle a primeira xuntanza de Policías Locais
Fotografía de arquivo. A Limia News.
Tamén che pode interesar
Concello de Xinzo de Limia
Xinzo facilitará a creación do centro de LIMISI en Morgade e fixa os festivos de 2027
O Concello de Xinzo de Limia aprobou bonificar os impostos para as obras do novo centro ocupacional de LIMISI en Morgade. Ademais, o pleno acordou os festivos locais para o ano que vén e anunciou que rematará de pagar a súa débeda catro anos antes do previsto.
A medida principal da sesión plenaria desta semana busca axilizar a construción do Centro Ocupacional de LIMISI. Ao eliminar taxas municipais para a obra, o goberno local agarda que os traballos comecen canto antes.
Estes foron outros as…
Diario do Limia
Xinzo acolle un curso sobre inclusión social ata o 10 de outubro
O Concello de Xinzo de Limia e a Universidade de Santiago (USC) puxeron en marcha esta semana un curso de formación sobre participación e integración social destinado a veciños e profesionais.
A formación, que xa comezou, desenvolverase durante a fin de semana ata o próximo 10 de outubro. O programa é flexible e combina clases presenciais con sesións virtuais.
O temario está dividido en catro bloques prácticos sobre como mellorar a convivencia:
A escola como lugar de encontro entre familias e…
Diario do Limia
Abre a preinscrición de ximnasia rítmica en Xinzo para a tempada 2026/27
A EDC Xinzo de Limia xa permite reservar praza para a vindeira tempada de ximnasia rítmica. O proceso está aberto para todas as nenas e nenos interesados en sumarse á actividade.
Para asegurar a túa praza, debes seguir estes pasos:
Acceder ao formulario en liña habilitado polo club.
Podes atopar a ligazón directa no cartel informativo que a entidade publicou nas súas canles oficiais.
Esta campaña busca fomentar valores como a paixón, o esforzo e a disciplina baixo o lema "O clube de tod@s".
