O Concello de Xinzo de Limia abriu o proceso para adxudicar os cinco postos que quedan baleiros na recentemente renovada Praza de Abastos, que ten prevista a súa apertura para este mes de decembro.
Actualmente, xa están adxudicados 7 dos 12 espazos dispoñibles. Os postos que seguen sen dono son:
- Peixaría
- Charcutaría
- Carnizaría
- Bar de tapas
- Zona de comida para levar
As persoas interesadas en abrir un destes negocios poden acudir ao Concello para recibir asesoramento e facilidades durante todos os trámites. A praza, situada nunha zona moi accesible, conta cun aparcadoiro público de 100 prazas a escasos metros para facilitar a compra á veciñanza.
