O Concello de Xinzo de Limia e a hostalaría local colaboran para organizar a terceira edición do Patapas, o Concurso de Tapas de Pataca. O obxectivo é aumentar a participación e favorecer a rotación do público por todos os establecementos, incluídos os situados fóra do centro.
Introduciranse novidades nas bases e a dotación dos premios aumentará un 30%, ata os 3.500 €.
O venres 14 de novembro pecharase a inscrición de locais. Posteriormente, daranse a coñecer a cartelería, a listaxe de establecementos, o calendario e as bases completas.
O Patapas consolídase como un concurso gastronómico colaborativo que impulsa a creatividade e dinamiza a vila, grazas ao traballo conxunto entre hostalaría e Concello.
