Xinzo de Limia, a 26 de xuño de 2024. A Comisión Executiva do Fondo Galego de Cooperación e Solidariedade celebrou a súa xuntanza mensual no Concello de Xinzo de Limia, en sinal de agradecemento pola súa recente adhesión a esta rede de administracións locais e provinciais comprometidas coa loita contra a pobreza e as desigualdades a nivel global. Xinzo é un dos dez municipios que se sumaron á asociación municipalista na primeira metade de 2024, reafirmando así o seu compromiso coa defensa dos Dereitos Humanos.
O alcalde, Amador Díaz, brindou un agarimoso acollemento ás dirixentes do Fondo Galego, encabezados polo presidente e alcalde de Nigrán, Juan González, xunto co vicepresidente e concelleiro de Cartelle, Daniel Fernández, a concelleira de Oleiros, Marga Figueroa, e mais os rexedores de Cuntis, Manuel Campos, e Baños de Molgas, Manuel Fernández, que ocupan cadansúa vogalía. O anfitrión tivo a oportunidade de presentarlles o irmandamento co Goberno Provincial de Tungurahua, en Ecuador, para impulsar a agricultura sostible e a economía circular en relación co cultivo e comercialización da pataca.
Durante a xuntanza adxudicáronse ademais as prazas do programa Especialistas en Cooperar, que enviará a tres técnicas e técnicos municipais a colaborar coas entidades socias do Fondo Galego en Mozambique e Cabo Verde. Así mesmo, fíxose balance da recente misión a Guinea-Bissau para supervisar os proxectos de auga e saúde alí apoiados. Do mesmo xeito, deuse conta das iniciativas que se financiarán este ano na África lusófona e as actividades para os próximos meses.
O Fondo Galego
O Fondo Galego de Cooperación e Solidariedade está integrado por 111 concellos e as deputacións de Pontevedra, A Coruña e Lugo, que concentran a través desta rede os seus esforzos no eido da cooperación ao desenvolvemento. Garántese deste xeito unha xestión profesional e transparente, así como a realización de proxectos con impacto nos países do Sur Global e a sensibilización da sociedade galega a prol da solidariedade internacional. Recoñecido como axencia municipal da cooperación galega, o Fondo Galego vén de cumprir 25 anos tendo apoiado uns 200 proxectos en máis de trinta países e promovendo numerosas actividades e materiais en relación aos desequilibrios Norte-Sur e a Axenda 2030
O Fondo Galego dálle a benvida ao Concello de Xinzo cunha xuntanza da Comisión Executiva
Fotografía de arquivo. A Limia News.
Tamén che pode interesar
Diario do Limia
A Limia: Identidade, Historia e Patrimonio
Contexto e Xeografía
A Limia é unha unidade cultural e administrativa situada no sur da provincia de Ourense. Está formada por once municipios: Baltar, Calvos de Randín, Os Blancos, Porqueira, Rairiz de Veiga, Sandiás, Sarreaus, Trasmiras, Vilar de Barrio, Vilar de Santos e Xinzo de Limia. A comarca conta cunha poboación aproximada de 20.000 habitantes, sendo a vila de Xinzo de Limia o seu principal motor comercial e administrativo, coa súa maioría de residentes.
Mitoloxía e Paisax…
Concello de Sandiás
O PAI de Sandiás abre un espazo de xogo sensorial para bebés e familias
O Punto de Atención á Infancia (PAI) do Concello de Sandiás acolleu o pasado venres, 5 de xuño, ás 17.30 horas, unha sesión de Instalacións Pedagóxicas de Xogo, unha proposta educativa e sensorial dirixida a nenos e nenas de entre 6 meses e 2 anos acompañados das súas familias. A actividade estivo guiada por Getsemaní […]
La entrada O PAI de Sandiás abre un espazo de xogo sensorial para bebés e familias se publicó primero en Concello de Sandiás.
Concello de Sandiás
II obradoiro “Límites con corazón”. Familias e crianzas
II OBRADOIRO “LIMITES CON CORAZÓN”. FAMILIAS E CRIANZAS. Neste segundo obradoiro aberto a todas as familias vaise traballar sobre como establecer normas desde o afecto, o respecto e a coherencia. Moitas veces asociamos poñer límites coa dureza ou o distanciamento pero a realidade é que os límites tamén son unha expresión do amor. Axudan a […]
La entrada II obradoiro “Límites con corazón”. Familias e crianzas se publicó primero en Concello de Sandiás.