A Deputación de Ourense, en colaboración coa Federación Galega de Baloncesto, organiza un torneo 3×3 de baloncesto gratuíto e aberto a equipos de todas as idades e comarcas.
O torneo, enmarcado no programa de Fomento Deportivo 2025, busca promover a práctica deportiva lúdica e accesible, especialmente no ámbito rural. Contará con 7 categorías, dende prebenxamín a sénior, con equipos masculinos, femininos ou mixtos.
Haberá cinco xornadas clasificatorias: o 12 de agosto en Viana do Bolo, o 16 de agosto en Xinzo, o 30 de agosto no Carballiño, o 31 de agosto en Allariz e o 4 de setembro no Barco. A final celebrarase no Pazo Paco Paz.
As inscricións están abertas na web da Federación Galega de Baloncesto (www.fegaba.com) ata completar as prazas dispoñibles en cada sede.
