Ourense cidade
Hoxe, luns 5 de xaneiro, a Cabalgata de Reis Magos en Ourense provocará cortes de tráfico no barrio da Ponte e no centro urbano. A Policía Local recomenda evitar as rúas do percorrido, especialmente a rúa do Progreso (desde Concepción Arenal ata o Xardín do Posío).
A saída está prevista ás 18:00 h desde a estación do tren da Ponte. Os Reis Magos saudarán ás 17:45 h e iniciarán o seu percorrido desde a rúa Eulogio Gómez Franqueira, dirixíndose á avenida das Caldas e a ponte romana. A comitiva será geolocalizada e a súa situación poderá consultarse en tempo real na web do Concello.
Habilitaranse tres zonas reservadas para persoas con mobilidade reducida. Prohíbese o uso de paraugas abertos ao revés para recoller caramelos.
Outras localidades
O Carballiño
Os Reis Magos chegarán cun espectáculo de maxia, lume, acrobacias e fantasía. O seu recibimento será no templo da Veracruz, cuxo pórtico se converterá nun escenario de acrobacias aéreas. A comitiva contará con animación de rúa.
Ribadavia
A cabalgata comezará hoxe ás 18:00 h, partindo do IES O Ribeiro e percorrendo diversas rúas ata a Praza Maior. Participarán seis carrozas nas que Melchor, Gaspar e Baltasar repartirán máis de 1.300 quilos de caramelos sen gluten, en colaboración coa Asociación Galega de Celíacos.
Trives
A recepción será na Casa do Concello, seguida dunha cabalgata ata o Auditorio Xulio Vázquez, con reparto de caramelos e música.
Verín
A gran cabalgata comezará ás 17:30 h, con saída de San Lázaro e chegada ao Pavillón Municipal de Deportes. Pola mañá, os Reis Magos visitarán a Residencia de Anciáns Santa María.
O Barco de Valdeorras
A cabalgata desenvolverase polo percorrido habitual a partir das 18:30 h, cun numeroso grupo de figurantes.
Xinzo de Limia
A saída está programada para as 17:30 h desde a Praza Carlos Casares, percorrendo a Praza Maior e a rúa Dos de Mayo ata o Pavillón de Deportes.
