Este venres celebrouse en Ponte de Lima unha nova edición do «Abraço ao Rio Lima», un evento de educación ambiental que xuntou a máis de mil nenos e nenas de Galicia e Portugal.
O Concello de Xinzo de Limia e o Município de Ponte de Lima asinaron un protocolo de colaboración para reforzar o compromiso coa valorización do río Limia.
Alumnado do CEIP Rosalía de Castro e do CEIP Carlos Casares de Xinzo de Limia, entre outros, protagonizaron un abrazo colectivo ao río, resaltando a importancia de coidar este patrimonio natural compartido.
O 11 de xuño, Xinzo de Limia acollerá ao alumnado portugués para devolver o xesto e coñecer as fontes do río Limia.
