O PSOE de Xinzo de Limia denunciou que o goberno local rexeitou unha moción socialista que propoñía que o Concello asumise a xestión da auga de todos os núcleos rurais e analizase a auga das fontes públicas.
A portavoz socialista, Elvira Lama, expresou a súa preocupación polo estado das augas subterráneas e superficiais, e a necesidade de previr problemas de saúde pública. Propoñían a xestión municipal da auga, previa aceptación veciñal, as obras de conexión á rede e analíticas periódicas, sinalizando as fontes aptas.
Segundo o PSOE, o alcalde xustificou o rexeitamento alegando a necesidade dun informe e inventario, evitando «alarma social». Tamén acusaron á Xunta de non declarar a comarca como zona vulnerable a nitratos.
