O director xeral de Comercio e Consumo, Gabriel Alén, presentou este mércores en Xinzo de Limia o balance dunha oficina que xa atendeu 320 proxectos e onde o 57 % das persoas emprendedoras son mulleres.
A oficina técnica do Polo de Emprendemento de Verín, que traballa en colaboración coa asociación Prolimia, ofrece asesoramento gratuíto a calquera persoa que queira poñer en marcha un negocio. O seu traballo deu estes resultados:
- Proyectos asesorados: 320.
- Empresas creadas: Máis de 20.
- Titorías realizadas: Máis de 1.500.
- Actividades formativas: 230 accións na comarca.
Os sectores máis presentes nas consultas son o comercio (18 %), os servizos (16 %) e as actividades do agro e a pesca (14 %). A nivel autonómico, esta rede de polos da Xunta xa asesorou a máis de 6.800 iniciativas en toda Galicia.
Durante o encontro en Xinzo, tamén se pechou a campaña «Xuntos polo comercio local». Esta iniciativa, desenvolvida entre o 12 e o 26 de xuño, fomentou as compras nos negocios locais de Xinzo, Verín e Celanova mediante o sorteo de premios entre os clientes.
