Unha persoa tivo que ser trasladada a un centro médico este venres, 10 de xullo, tras un accidente de tráfico na zona de Lamas, en Xinzo de Limia.
O suceso ocorreu arredor das 14:30 horas cando dous vehículos chocaron e un deles rematou saíndose da vía. A causa do choque podería estar en que un dos condutores non respectou un sinal de Stop.
No lugar interviñeron diversos efectivos de emerxencias:
- Policía Local e Nacional.
- Bombeiros.
- Protección Civil.
A persoa ferida foi evacuada ao PAC (Punto de Atención Continuada) máis próximo para recibir asistencia sanitaria.
