Un home de máis de 70 anos faleceu na noite deste mércores tras sufrir unha caída coa súa bicicleta no lugar de Manga de Arriba, na parroquia de Lamas.
O accidente ocorreu ao redor das 21:00 horas, no quilómetro 6 da estrada que une Lamas con San Vitoiro. Un particular avisou ao 112 ao atopar o ciclista inconsciente na vía.
Aínda que os servizos de emerxencia desprazados ao lugar intentaron reanimalo, non puideron facer nada por salvarlle a vida. No operativo participaron:
- Profesionais do 061 con ambulancia.
- Axentes da Garda Civil de Tráfico e da Policía Local.
- Voluntarios de Protección Civil de Xinzo.
- Bombeiros de Xinzo.
