A Biblioteca Pública Antelana de Xinzo de Limia foi o escenario dunha xornada de animación á lectura para conmemorar o Día das Letras Galegas. A actividade contou coa participación de uns 50 alumnos e alumnas do CEIP Rosalía de Castro, co obxectivo de fomentar o interese pola literatura e a lingua galega desde a infancia.
Durante a sesión, o alumnado gozou dunha representación baseada na obra O bosque animado, do escritor Wenceslao Fernández Flórez, que foi dirixida e escenificada polos voluntarios colombianos Eduin Arias Ruiz e Alejandra Gómez Gómez.
Este evento marcou o peche do ciclo de actividades organizado polo Concello de Xinzo de Limia para esta efeméride. A clausura incluiu tamén a presentación oficial do libro Queda moito por sachar, de Xosé Manuel del Caño, acto que contou coa intervención e análise do arqueólogo José María Eguileta.
