Contacontos en Xinzo de Limia no marco das Letras Galegas 2026
O alumnado do CEIP Rosalía de Castro participou nunha sesión de contacontos inspirada na obra O bosque animado, de Wenceslao Fernández Flórez. A actividade foi dirixida e escenificada polos voluntarios colombianos da Biblioteca Pública Antelana, Eduin Arias Ruiz e Alejandra Gómez Gómez, cun obxectivo de fomentar o interese pola lectura e a literatura mediante a narración oral e a interpretación escénica.
Esta iniciativa forma parte do ciclo de actividades organizado pola Concellería de Cultura de Xinzo de Limia para conmemorar as Letras Galegas 2026. O programa de actividades pechará este venres coa presentación do libro Queda moito por sachar, de Xosé Manuel del Caño, acto no que tamén intervirá o arqueólogo José María Eguileta.
