Domingo, 22 de novembro Xinzo 7° Garda: PRIETO VIVANCO-CONDE C.B
Concello de Xinzo de Limia

Xinzo celebra o Día da Xuventude cunha xornada de actividades gratuítas para mozas e mozos de 12 a 35 anos

2 min de lectura

Fonte
Concello de Xinzo de Limia
Concello
Xinzo de Limia
Publicada
3 set. 2024
Ver a noticia orixinal

Xinzo de Limia, a 03 de setembro de 2024.  O vindeiro sábado 07 de setembro vaise celebrar en Xinzo o Día da Xuventude, un evento da Consellería de Cultura, Lingua e Xuventude da Xunta de Galicia en colaboración co Concello de Xinzo de Limia que conta co financiamento do Ministerio de Igualdade en desenvolvemento do Plan Corresponsables.
O evento terá lugar na praza Carlos Casares durante a tarde do sábado. As actividades están deseñadas para mocidade de entre 12 e 35 anos, aínda que os nenos e nenas menores de 12 anos que asistan como acompañantes teñen dispoñible un espazo de construción para pasar un bo rato.
As actividades, nas que se pode participar de forma libre e gratuíta, estarán abertas de 16 a 21 horas. No Día da Xuventude os mozos e mozas poderán facer un xogo de escape e realidade virtual no taller de concienciación ambiental, tiro con arco en lecer educativo, participar nun obradoiro de arte colaborativo a través do graffiti ou asistir a unha demostración culinaria no espazo de gastronomía saudable entre outras actividades, as persoas que completen os xogos e dinámicas poderán levar un agasallo do Día da Xuventude. Destacar que como peche do evento de 20:30h. a 21:00h. haberá unha actuación a cargo do DJ Pablo Seguín.
O Día da Xuventude aposta por unha alternativa de ocio saudable e educativa en máis de 30 concellos galegos, buscando a participación activa da mocidade local.
 

Saber máis · Descubre A Limia Xinzo de Limia 9.699 habitantes · 20 parroquias Coñecer o concello →
PNFPB Install PWA using share icon

For IOS and IPAD browsers, Install PWA using add to home screen in ios safari browser or add to dock option in macos safari browser