Xinzo de Limia, a 07 de Marzo de 2024. Os días 7 e 8 de Marzo de 2024 o Concello de Xinzo de Limia, a través do CIM, coincidindo coa Conmemoración do Día Internacional da Muller, impártese dende as 9:00 horas a Formación “Educando dende a Igualdade de Xénero”, dirixido ao alumnado do Obradoiro dual de Emprego dos Concellos de Xinzo de Limia e Sandiás.
Os obxectivos do obradoiro son: promover a igualdade, sensibilizar e concienciar ó alumnado da formación sobre a problemática que representa a violencia de xénero para a sociedade. Para elo abordaranse conceptos como xénero, sexo, identidade de xénero, estereotipos de xénero, proceso de socialización, sexismo, machismo, feminismo, hembrismo, discriminación laboral, segregación ocupacional, teito de cristal, acoso sexual, discriminación vertical, empregabilidade, empoderamento, igualdade de xénero, violencia de xénero, ciclos da violencia ou indicadores para a detección da violencia.
Outro aspecto no que se vai facer fincapé é o da educación en igualdade, así coma o ámbito de intervención no sistema educativo nos casos de violencia, sen deixar de lado o papel das mulleres na sociedade nos seus distintos ámbitos: social, familiar e laboral.
Tamén se reflectirá a importancia do CIM na promoción da igualdade, na prevención e no tratamento integral das vítimas de violencia contra as mulleres, os servizos que oferta, así coma as campañas de sensibilización, os programas e os diferentes recursos dirixidos ás mulleres.
O obradoiro completarase coa proxección de dúas películas nas que se reflicte a problemática da violencia de xénero na sociedade, e o seu debate posterior co presoal técnico do Obradoiro, o equipo directivo e o alumnado do curso, e no que se abordarán aspectos impartidos no obradoiro, especialmente aqueles relacionados coa violencia de xénero e a importancia das mulleres na sociedade.
O Obradoiro “Educando dende a Igualdade de Xénero” está impartido por José Luís Saburido Novoa, director e psicólogo do CIM de Xinzo de Limia.
O 8M chega ó obradoiro de emprego de Xinzo
Fotografía de arquivo. A Limia News.
Tamén che pode interesar
Diario do Limia
Víctor F. Freixanes recoñecido co Premio de Xornalismo Carlos Casares en Xinzo de Limia
A vila de Xinzo de Limia foi a sede da entrega do Premio de Xornalismo Carlos Casares, un galardón que nesta edición concederon a Víctor F. Freixanes. O premio recoñece a súa destacada traxectoria como escritor, editor e expresidente da Real Academia Galega, consolidándoo como unha figura de referencia na cultura galega contemporánea.
O acto contou coa asistencia de representantes institucionais, persoas do sector cultural e a veciñanza local. A cerimonia non só serviu para distinguir o labor d…
Diario do Limia
A Xunta galega galardoa centros educativos polo seu labor en convivencia e inclusión
A Xunta de Galicia entregou en Santiago de Compostela os premios de excelencia educativa correspondentes á edición de 2025, recoñecendo o traballo de vinte e un centros educativos e unha aula hospitalaria polo seu compromiso coa convivencia escolar, o benestar emocional e a inclusión.
Na provincia de Ourense, destacaron dous centros con galardóns e dotacións económicas específicas:
CEIP Rosalía de Castro (Xinzo de Limia): Obtivo o segundo premio na categoría "Tolerancia Cero" (Educación Infant…
Concello de Sandiás
O Concello informa da apertura dunha nova convocatoria de axudas destinadas a persoas maiores de 65 anos para realizar obras de reforma, mellora da accesibilidade e adquisición de equipamento técnico na súa vivenda habitual
As subvencións poderán destinarse a actuacións como:✔️ Cambio de bañeira por prato de ducha✔️ Eliminación de barreiras arquitectónicas✔️ Melloras de habitabilidade✔️ Camas articuladas, cadeiras de ducha e outras axudas técnicas 💶 Ata 2.500 € de subvención📅 Prazo aberto dende o 18 de maio de 2026 ás 10:00 h⚠️ As axudas concederanse por orde de entrada […]
La entrada O Concello informa da apertura dunha nova convocatoria de axudas destinadas a persoas maiores de 65 anos para realizar obras de refo…