O concello de Vilar de Santos organiza este venres, 21 de agosto, unha función teatral e musical para toda a familia. A cita será na Pista da Cachalgura ás 20:00 horas.
A compañía galega Tropa de Trapo presenta «Catro monos», unha obra que mestura contos, música en vivo e obxectos para ensinar aos máis pequenos valores como a solidariedade e o respecto ao medio ambiente. A historia dálle un xiro ao mito tradicional dos tres monos, facendo que os protagonistas nesta ocasión si vexan, escoiten e opinen sobre o que os rodea.
Os detalles da actividade son:
- Data: Venres, 21 de agosto.
- Hora: 20:00 h.
- Lugar: Pista da Cachalgura.
- Artistas: Marta Ortiz (narración) e Brais das Hortas (música).
