A Deputación de Ourense abre unha convocatoria de axudas destinadas a persoas maiores de 65 anos co obxectivo de mellorar a autonomía, a accesibilidade e a calidade de vida nas súas vivendas habituais.
Detalles da axuda
Importe máximo: As subvencións poderán alcanzar ata 2.500 € por solicitante.
Requisitos para solicitar a axuda
- Persoas maiores de 65 anos.
- Empadroadas en concellos da provincia de Ourense con menos de 20.000 habitantes.
- Renda non superior a 3 veces o IPREM.
- Ter a vivenda habitual en propiedade, usufruto ou alugueiro.
Conceptos subvencionables
- Melloras de habitabilidade: Eliminación de humidades e adecuación de pavimentos para evitar esvaróns.
- Adecuación de instalacións: Melloras en auga, gas, calefacción, electricidade e saneamento; instalación de sistemas de seguridade contra fugas ou dispositivos automáticos (como persianas).
- Accesibilidade: Adaptación de baños (substitución de bañeiras por dúchas, cambios de billas, WC ou eliminación de bidés), ampliación de portas, eliminación de chanzos e adaptación de interiores para facilitar a mobilidade.
- Adquisición de axudas técnicas: Equipos como camas ou somiers articulados, asentos xiratorios, colchóns antiescaras, guindastres, arneses, cadeiras de ducha e outros elementos de apoio.
Prazo e procedemento
O prazo de presentación de solicitudes abrirase o 18 de maio ás 10:00 h. As axudas concederse por orde de chegada ata que se esgoten os fondos dispoñibles.
Documentación requirida
- DNI e certificado de empadroamento.
- Declaración da renda 2025.
- Orzamento detallado da actuación ou do equipamento solicitado.
- Documento que acredite a propiedade, usufruto ou alugueiro da vivenda.
Máis información
As bases completas e o formulario de solicitude están dispoñibles na páxina web da Deputación de Ourense. Tamén se pode solicitar asistencia nos Servizos Sociais do concello correspondente.
