As XLI Xornadas de Folclore comezan este luns, 10 de agosto, e levarán a música e o baile de 170 artistas internacionais a 16 municipios da provincia ata o día 20.
A inauguración terá lugar no Teatro Principal de Ourense, este luns ás 20:30 horas. O acto contará co tradicional desfile de bandeiras e a actuación do grupo local Castro Floxo.
Nesta edición participan agrupacións de seis países:
- Armenia: Sebastia Dance Ensemble.
- Ecuador: Elenco Ñukanchik.
- México: Compañía Nacional de Danza Folklórica.
- Serbia: Folk Dance Group «Tucović».
- Taiwán: YiTzy Folk Dance Theatre.
- Senegal: Ballet Jammu.
Os espectáculos son de balde e cada noite actuarán dous grupos en cada localidade. A xira percorrerá: Allariz, A Rúa, Bande, O Barco, O Carballiño, Castro Caldelas, Celanova, Entrimo, Maceda, Manzaneda, Ribadavia, Trives, Verín, Viana do Bolo e Xinzo de Limia.
Haberá dúas galas especiais onde actuarán as seis formacións xuntas:
- 18 de agosto: Praza Maior de Ourense.
- 19 de agosto: Auditorio do Castelo de Ribadavia.
