As XLI Xornadas de Folclore de Ourense continúan este domingo en Xinzo de Limia e O Carballiño tras o éxito das actuacións celebradas onte en Entrimo e Castro Caldelas.
O festival, que reúne a grupos de baile de tres continentes, ofrece espectáculos de balde e actividades de intercambio cultural entre os artistas participantes.
Programación para este domingo:
- Xinzo de Limia: Desfile ás 20:00 horas desde o Parque do Toural ata a Praza Carlos Casares, onde as actuacións de Armenia, México e Senegal comezarán ás 20:30 horas.
- O Carballiño: Actuacións de Ecuador, Serbia e Taiwán no Auditorio da Praza da Veracruz a partir das 22:30 horas.
Ademais das actuacións, os compoñentes dos grupos participan en talleres de baile cada tarde para aprender os pasos e ritmos tradicionais doutros países, unha iniciativa que se consolidou tras o éxito da pasada edición.
