O Concello de Sandiás celebrará o vindeiro venres 8 de maio, ás 20.30 horas, no Salón de Actos da Casa da Cultura, a primeira xornada informativa sobre xestión da biodiversidade vexetal. Esta iniciativa forma parte do programa “Aldeas Seguras”.
O obxectivo principal do encontro é mellorar a prevención de incendios e a protección da contorna natural e as persoas, centrándose especificamente na limpeza e xestión das faixas de protección arredor das vivendas.
Durante a sesión trataránse os seguintes puntos:
- Obrigas de limpeza e prazos establecidos pola normativa.
- Responsabilidades tanto da veciñanza como do Concello.
- Medidas preventivas e actuacións ante posibles incumprimentos.
- Cuestións de seguridade, salubridade pública e organización dos traballos en zonas de maior perigosidade.
A xornada contará coa intervención de:
- Felipe Traveso, alcalde do Concello de Sandiás.
- Fernando Gándara, presidente de Protección Civil de Sandiás.
- Tomás Báez, bombeiro forestal.
- José Manuel Gómez “Cazolas”, presidente da Comunidade de Montes Veciñais en Man Común de Piñeira de Arcos.
O evento finalizará cunha quenda de rogos e preguntas para resolver as dúbidas da veciñanza.
