As continuas precipitacións mantñen en alerta aos servizos de emerxencia e brigadas da Deputación de Ourense. Prodúcense numerosas incidencias en estradas e hai preocupación pola subida dos niveis dos ríos.
Estradas afectadas
A A-52 presenta varios treitos con carrís dereitos inhabilitados por mal estado do firme, especialmente entre Toén-Barbadás, Carballeda de Avia e Melón. Tamén hai problemas en Allariz, Sandiás, Verín e A Canda.
Nas estradas da Deputación de Ourense rexistráronse unhas 300 incidencias dende o 26 de xaneiro, entre desprendementos, caídas de árbores, atascos en cunetas e problemas no firme. Un punto crítico é a estrada OU-0504 entre A Casilla e Barra de Miño, onde se desviou o tráfico por perigo de desprendementos.
En Boborás, un derrumbe na estrada OU-0414 non chegou a cortar o tráfico, pero a situación xeral é complicada.
Crecida de ríos e inundacións
Os ríos Avia, Támega, Limia e Arnoia, así como varios encoros, están baixo vixilancia. En Ribadavia, as inundacións cortaron vías en A Quinza e San Cristobo.
En Muíños, desprendementos afectaron accesos a poboacións e desbordáronse regatos. A Limia é outra comarca afectada, con Xinzo de Limia en alerta e accesos cortados. Porqueira tamén sofre cortes en varias estradas locais.
Na comarca de Verín, a crecida do Támega levou ao Concello a cortar estradas e a Ecovía.
Na cidade de Ourense, o paseo termal e accesos á fonte do Tinteiro e ao balneario da Chavasqueira están cortados pola crecida do Miño. En Barbadás, a área recreativa dos Carrís está anegada. En Baños de Molgas, a zona de Ansuíña está inundada polo Arnoia.
Actuación dos servizos de emerxencia
Un total de sesenta persoas das brigadas da Deputación, distribuídas en 16 cuadrillas, traballan na resolución das incidencias. Atenden avisos do 112, concellos e particulares.
