A A-52, principal vía de acceso a Galicia dende Madrid, foi cortada á altura da Gudiña debido aos incendios forestais que afectan á provincia de Ourense, concretamente nas zonas da Mezquita, Oímbra e Vilardevós. O corte afectou a 195 km da autovía, dende Xinzo de Limia ata Benavente. A DGT recomendou o uso da A-6 como alternativa.
Máis de mil vehículos quedaron atrapados na A-52 en plena operación saída do puente de agosto. Tamén se cortaron a N-525 (pk 130-133, A Gudiña) e a OU-522 (pk 46-48), ademais do tramo final que enlaza coa OU-533.
Ademais do corte de estrada, Renfe suspendeu as circulacións ferroviarias entre Madrid e Ourense, establecendo un plan de transporte alternativo por autobús entre Puebla de Sanabria (Zamora) e Ourense para os viaxeiros en tránsito, que quedaron retidos na autovía.
A última hora da tarde, a Garda Civil comunicou a reapertura da autovía entre Verín e Trasmiras (en ambos sentidos) e na Gudiña, en dirección Benavente, á espera de que a situación poida complicarse de novo.
