O BNG de Xinzo retoma os "Vermús coa veciñanza" nas aldeas

Este verán, o BNG de Xinzo de Limia, liderado polo voceiro Camilo Vila, volve visitar as aldeas para escoitar as necesidades dos veciños e veciñas e apoiar a defensa dos seus dereitos fronte á perda de servizos no rural.

Camilo Vila destaca o traballo do BNG na oposición, coa presentación de 14 mocións e máis de 100 preguntas plenarias. Manuel Pozo, vicevoceiro municipal, subliña a importancia destes encontros para coñecer as demandas da veciñanza a metade do mandato.

Os primeiros “Vermús” terán lugar en Moreiras e Laroá o domingo 6 ás 11:00 e 13:00 horas respectivamente. Mirian Opazo, responsable da organización, reafirma o compromiso do BNG de manter unha presenza constante nos pobos, máis alá dos períodos electorais.