O xornalista Javier Moro comeza unha nova tempada á fronte do programa local ‘Voces de Ourense’, que se emitirá de luns a venres, de 12.00 a 14.00 horas.
Podes escoitar o espazo nas seguintes frecuencias de radio:
- Ourense capital e comarca: 89.3 FM
- Xinzo de Limia: 96.9 FM
- Verín: 95.8 FM
- O Barco de Valdeorras e comarca: 97.9 FM
O programa mantén as súas seccións clásicas, como os consellos de saúde do doutor Martín Nogueira e do enfermeiro Santiago Barca, a actualidade do tráfico con Benito Bouzada e as historias de Raquel Pérez. Este ano incorpóranse novos contidos, incluíndo asesoramento de avogados expertos e especialistas en coidado de mascotas.
Nesta nova etapa recuperaranse tamén seccións de humor con Marcos Salgado, entrevistas a artistas locais e espazos dedicados á gastronomía e aos movementos veciñais da provincia.
