A lendaria banda británica Jethro Tull, liderada por Ian Anderson, visitará Ourense o 11 de outubro dentro do Ou Yeah! Festival. O concerto terá lugar no Pazo dos Deportes Paco Paz.
As entradas xa están dispoñibles en ataquilla.com desde 35 euros (máis gastos).
O Ou Yeah! Festival, na súa primeira edición, tamén contará con actuacións de The Waterboys, Morgan, Escuchando Elefantes e Tesouro o 12 de xullo en Expourense; Sés o 23 de agosto no Mosteiro de San Salvador de Celanova; e La Guardia e Habitación Vudú o 6 de setembro na Alameda do Toural, en Xinzo de Limia.
O festival busca ser un referente cultural na provincia de Ourense, combinando artistas internacionais, nacionais e galegos.
