Galicia mantense á marxe das fortes tormentas que afectan a outras comunidades. A inestabilidade persistirá, con temperaturas máis baixas do habitual para esta época do ano, forte oscilación térmica e vento do nordés, especialmente notorio entre Bares e Fisterra (aviso amarelo activado no mar).
Calvos de Randín (Ourense) rexistrou a mínima máis baixa de España o sábado, con 4,9 ºC. Tamén fixo frío en Baltar (6,3 ºC) e Xinzo de Limia (7,9 ºC). Espérase un contraste significativo de temperaturas en Ourense cidade, Vigo e Pontevedra.
