O río Limia, cun percorrido de 108 quilómetros, 41 dos cales discorren pola provincia de Ourense, é un elemento fundamental na paisaxe e no carácter das comarcas da Limia e Baixa Limia.
Nace no monte Talariño, na parroquia de Paradiña, en Sarreaus, e desemboca en Viana do Castelo (Portugal), no océano Atlántico. O seu curso atravesa concellos como Rairiz de Veiga, Porqueira e Bande, deixando paisaxes características e influíndo na vida dos seus habitantes.
Durante épocas de seca, o baixo nivel do río deixa ao descuberto aldeas asolagadas, como Aceredo, no encoro de Lindoso, converténdose nun atractivo turístico e testemuño do impacto da actividade humana na contorna.
