O proxecto, que inclúe ao GDR Limia-Arnoia, busca revitalizar a economía e a sociedade rural mediante a creación de tendas temporais e sostibles. Estas tendas actuarán como espazos de activación comercial, cultural e turística, dando visibilidade ao talento local e conectando co público visitante.
A iniciativa está promovida polos Grupos de Desenvolvemento Rural Galicia Suroeste Eurural (coordinador), Limia-Arnoia e o do oriente de Asturias. Está financiado con fondos FEADER e apoio do Ministerio de Agricultura, a Xunta de Galicia e o Principado de Asturias, cun orzamento total de 137.440 euros.
Entre os seus obxectivos principais están impulsar oportunidades de mercado para produtores, artesáns e emprendedores, atraer talento novo e dinamizar o pequeno comercio. Nos próximos meses, comezarán a funcionar os primeiros espazos efímeros nos territorios participantes.
