Do 1 ao 3 de agosto de 2025, a provincia de Ourense acollerá o Campionato de España de Parapente de Precisión. A competición terá lugar na Serra de Larouco, afectando aos concellos de Baltar, Cualedro e Xinzo de Limia. A zona de aterraxe estará situada en A Xironda (Cualedro).
O evento tamén incluirá o Campionato Galego da mesma modalidade. Espérase a chegada de numerosos visitantes, entre competidores e afeccionados.
O Club VooLarouco (Parapente Baltar) conta con experiencia na organización de eventos similares na zona, como o campionato de 2024 que reuniu a máis de 125 pilotos.
