Data: 05 de outubro de 2025
A recentemente restaurada Reitoral de Taboadela acolleu a presentación desta acción promocional que busca reforzar o potencial turístico da zona a través da arte e a recuperación do patrimonio.
O proxecto involucra os concellos de Allariz, Vilar de Santos, Xunqueira de Ambía, Vilar de Barrio, Baños de Molgas, Paderne de Allariz, San Cibrao das Viñas, Taboadela e Maceda, baixo a coordinación do Grupo de Desenvolvemento Rural A Limia-Arnoia.
O alcalde de Taboadela, Álvaro Vila, e o presidente do GDR e alcalde de Sarreaus, Gumersindo Lamas, salientaron o potencial do xeodestino como motor cultural e turístico. A Deputación de Ourense, a través do seu presidente Luis Menor, respaldou a iniciativa e destacou a importancia da colaboración institucional, exemplificada na rehabilitación da Reitoral, financiada con 450.000 euros pola Deputación.
Subliñouse tamén a relevancia da Vía da Prata como eixe vertebrador do territorio.
