A 26ª Festa do Esquecemento volveu acender onte o seu lume sagrado en Xinzo de Limia, marcando o inicio da edición máis grande da súa historia tras o paréntese do ano pasado.
O evento, que enfronta de xeito simbólico a galaicos e romanos, contará con máis de 50 actividades gratuítas, 54 grupos participantes e música en directo durante toda a fin de semana.
A programación de hoxe destaca polos seguintes actos principais:
- Mediodía: Apertura do mercado e zona infantil no Parque do Toural.
- Tarde: Desfile da Legio VII Civitas Limicorum, entrega dos premios Bispo Idacio, xogos olímpicos e vodas galaicas.
- 21:00 horas: Desfile das tropas romanas de Décimo Junio Bruto.
- 21:30 horas: Loitas de gladiadores no Parque do Toural.
- Medianoite: Concerto do grupo En Mala Hora.
