A vila de Xinzo de Limia vive esta fin de semana a XXVI edición da Festa do Esquecemento, unha recreación histórica que conta con máis actividades e participantes que nunca.
O evento, organizado pola Asociación Cultural Civitas Limicorum, converteu o centro da vila nunha viaxe ao pasado. A programación destaca polos seus grandes números:
- 54 agrupacións participantes.
- 13 tropas chegadas doutros lugares.
- 12 grupos musicais amenizando as xornadas.
- Máis de 50 actividades totalmente de balde.
Na celebración colaboran preto de 700 persoas asociadas, convertendo esta cita nun dos motores turísticos e económicos máis importantes da comarca da Limia.
