Na tarde deste martes 12, produciuse un accidente na estrada de Morgade, á altura do número 103, en Xinzo de Limia, que resultou nun home ferido.
O incidente comezou cunha saída de vía do vehículo. Tras o primeiro impacto, o condutor abandonou o automóbil sen lesións aparentes de gravidade. Porén, o coche, que presuntamente non tiña o freio de man activado, comezou a retroceder cunha porta dianteira aberta, golpeando ao propio condutor antes de impactar contra a fachada dun almacén situado nas inmediacións.
A pesar da dureza do ocorrido, as lesións do home non son graves. No lugar do accidente traballaron:
- Policía Local de Xinzo de Limia
- Guardia Civil de Tráfico
- Bombeiros de Xinzo
- Protección Civil
- Urxencias Sanitarias
