A importancia de vivir nunha contorna que alimente a nosa identidade

Preparación da horta en Lodoselo

En Lodoselo iniciáronse as tarefas de preparación da horta utilizando bancos de cultivo elevados. Este sistema permite crear un espazo accesible, facilitando a participación de todas as persoas de forma cómoda e segura.

A actividade ten como obxectivo fomentar o traballo en equipo e o contacto co medio natural, ao tempo que traballa aspectos fundamentais como a motricidade, a coordinación, a estimulación cognitiva e a autonomía dos participantes.

Esta labor está integrada no Proxecto para a recuperación, recolección e almacenaxe de sementes de variedades autóctonas da comarca da Limia, unha iniciativa financiada polo Ministerio para a Transición Ecolóxica e o Reto Demográfico.