Sábado, 21 de novembro Xinzo 11° Garda: PRIETO VIVANCO-CONDE C.B
CDR O Viso

Lodoselo acolle unha xuntanza familiar para celebrar o peche do curso de Espazos de Infancia e Familias

2 min de lectura

Fonte
CDR O Viso
Concello
Sarreaus
Publicada
19 xuño 2025
Ver a noticia orixinal

Este venres, 20 de xullo, Lodoselo será o escenario dunha xuntanza moi especial na que familias da comarca se darán cita para poñer fin, con mimo e agarimo, a unha etapa dos Espazos de Infancia e Familias (EIF) desenvolvida nos últimos meses en Vilar de Santos e Perrelos. Esta actividade levada a cabo nos últimos meses, estivo dirixida a nenas e nenos de 0 a 6 anos dos pobos da contorna, co obxectivo de crear espazos compartidos onde, a través de cancións, contos e diversas actividades, as familias poidan desfrutar e reforzar os vínculos coas súas crianzas nun ambiente lúdico e afectivo.
Durante a xuntanza haberá xogos populares, unha merendiña ben saborosa e mesmo unha pequena foliada, porque… a quen non lle presta escoitar unha pandeireta e unha boa cantareira?
Tras facer unha pausa durante os meses de verán, os encontros retomaranse en setembro con máis forza aínda e coa ilusión de poder abrir novos grupos noutros puntos da comarca.
Un peche festivo para un proxecto que sementa comunidade, música, afecto e aprendizaxes compartidas. Graciñas a todas as persoas participantes; tamén ó Concello de Sarreaus que nos preparou un espazo para este encontro á sombra no campo da Lama, segando a herba que este ano medra ó tolo.

Esta actividade forma parte do programa O Noso Espazo, financiado pola Consellería de Política Social e Igualdade da Xunta de Galicia, dentro da subvención para a implantación de programas de interese social con cargo á asignación fiscal do 0,7% do IRPF.
 

Saber máis · Descubre A Limia Sarreaus 1.068 habitantes · 9 parroquias Coñecer o concello →
PNFPB Install PWA using share icon

For IOS and IPAD browsers, Install PWA using add to home screen in ios safari browser or add to dock option in macos safari browser