O equipo de fútbol Antela acadou unha importante vitoria por 1-0 ante o Vilalonga grazas a un gol de Carlos González de falta. Esta vitoria sitúa ao Antela na 3ª posición da clasificación, achegándoo aos postos de play-off de ascenso. O equipo, dirixido por Bruno, acumula 49 puntos e destaca pola súa solidez defensiva, sendo un dos equipos que menos goles encaixa.
Na vindeira xornada, o Antela enfrontarase ao Arnoia nun derbi local.
O Antela B logrou o seu terceiro triunfo na liga ao vencer ao Polígono. Os goles de Joni e Codes na segunda parte foron decisivos. A pesar da vitoria, o equipo segue sendo colista na táboa clasificatoria, a 10 puntos da praza de permanencia.
O Xuvenil perde en Vigo
O equipo xuvenil do Antela estivo preto de sorprender ao Alertanavia en Vigo, chegando a adiantarse no marcador con goles de Carlos Pires e Lucas Carnero. Non obstante, o equipo local logrou remontar e gañar o partido por 3-2 cun gol de penalti no minuto 75. A pesar da derrota, o Antela mantén a 7ª posición e enfrontarase ao Valadares na próxima xornada.
