COMPARATIVA COS LÍDERES
O Antela é o único invicto cumprido o primeiro terzo de competición. Suma 29 puntos.Os líderes en tempadas anteriores (Cartelle, na 23/24; e o Carballiño, na 23/24) xa perderan un partido… pero sumaban case os mesmos puntos, 28.
Nin o Cartelle (rematou 5º) nin o Sporting Carballiño (8º) ascenderon.
A Liga 2024/25 despois de once xornadas.
Goles
O Antela xa anotou 25 goles, un menos que os que levaba o Cartelle despois de once partidos, e os mesmos que anotara o Sp. Carballiño un ano antes.
A diferencia é que o Antela apenas recibiu 5 tantos, mentres que o Cartelle e o Carballiño tiñan encaixado 14.
Por certo, na Liga actual o Celanova ten, de momento, mellores números (26/5).
COMPARATIVA COS CAMPIÓNS
A distancia do Antela co segundo (4 puntos) e a mesma que tiña o Cartelle a campaña anterior. O Carballiño tiña 2 puntos sobre o segundo.
• Na 23/24, o campión, o Verín, marchaba 5º a estas alturas a 7 puntos do líder.
• Na 22/23, o campión, o Allariz, ía 2º, a 2 puntos do líder.
• O Verín amarrou o campionato con tres xornadas para o final, tras sumar 21 vitorias.
• O Allariz conquistou o título a catro xornadas para o final, tras sumar 23 triunfos.
O Antela leva 9 vitorias, o Verín levaba 3 menos a estas alturas e o Allariz, 1 menos.
Rachas
O Antela xa asinou unha racha de 7 vitorias consecutivas, entre as xornadas segunda e oitava.
O Verín sumou unha racha idéntica, mais aconteceu entre as xornadas 21ª e 27ª. O Allariz, na campaña 22/23, sumou oito vitorias consecutivas entre a sétima xornada e a decimo cuarta; e outra de seis triunfos entre a xornada 19ª e a 24ª.
O inicio do Antela parécese máis ao do Allariz, en canto a regularidade, que ao do Verín o ano pasado, que na xornada 11ª xa cedera dous empates e tres derrotas (mais non volveu perder un partido nos dous últimos terzos da Liga).
Liderados
O Antela leva 4 puntos ao segundo (Celanova), 7 ao terceiro (Muíños), 10 ao cuarto (Carballiño), e 12 ao quinto e ao sexto (Velle e Monterrei). Os de Bruno Gómez alcanzaron o liderado na xornada 7ª, no mes de outubro.
O Verín, xa se apuntou, estaba a estas alturas a 7 puntos do liderado, e remontou sumando o 81% dos puntos en disputa nos vinte partidos seguinte até amarrar o ascenso. Ao final da primeira volta aínda marchaba quinto a 5 puntos do líder. Cazou ao Cartelle na xornada 21ª e colocouse líder. Dez xornadas despois, a tres do remate da Liga, saíu campión a finais de abril.
O Allariz conseguiu o ascenso colocándose líder na xornada 16, penúltima da primeira volta, en decembro. Xa non o perdeu máis o liderado até se proclamar campión no mes de abril con catro xornadas aínda por diante.
COMPARATIVA DE OITO TEMPADAS
Na campaña 19/20 a Liga de Primeira suspendeuse na xornada 25ª. A seguinte tempada non houbo Liga. E na 21/22 a competición disputouse en dúas fases de grupos (ascenso do Antela).
A cousa normalizouse a partir da campaña 22/23 (campionato e ascenso do Allariz; tamén ascendeu o Velle, na promoción) e na 23/24 (campionato e ascenso do Verín; o Cented ascendeu na promoción).
Tomando como referencia as Ligas dende a 13/14 (inicio do rexistro na web da FGF) até a 18/19, ambas incluídas, máis as dúas últimas, o que di a clasificación actual é o seguinte:
• O líder na xornada 11 saíu campión no 50% dos casos. Aconteceu na campaña 13/14 co Nogueira, na 16/17 co Bande, na 17/18 co Velle, e na 18/19 co Arnoia.
• O mellor líder na xornada 11 foi o Nogueira 13/14, que levaba 10 vitorias e 1 empate (31 puntos). Tamén alcanzou os 30 puntos (1 derrota) o Bande da tempada 16/17. Os 29 puntos do Antela hoxe son o terceiro mellor rexistro da serie.
• O Nogueira da 13/14 gañou os primeiros cinco partidos, empatou na Moreira na sexta xornada, gañou os cinco seguintes… e perdeu en Taboadela na xornada 12ª.
• O Bande da 16/17 gañou os seis primeiros partidos, perdeu na Peroxa o sétimo, e despois sumou cinco triunfos consecutivos antes de se freado na casa pola UDO, que empatou en Bande na xornada 13ª e nesa altura compartía o liderado.
• Entre os campións, só o Nogueira da 13/14 se mantivo invicto 11 partidos. O Antela ten a ocasión de superar esa racha o domingo en Vilamartín.
Naquel Nogueira da 13/14 despuntaba un mediocampista: Bruno Gómez.
Bruno sabe que, malia os números, aquel ascenso non foi sinxelo. Despois da derrota en Taboadela, o Nogueira volveu caer no seguinte partido e cedeu o liderado. O Arenteiro, que se colocou líder na xornada 15ª, non soltou o liderado até abril. O Nogueira, que pasou febreiro e marzo a 7 puntos da cabeza, empatou en Espiñedo na xornada 30ª; e recuperou a primeira praza á semana seguinte, co Verín pegado a só dous puntos. Na distancia mantívose até a penúltima data. O Verín visitaba ao Nogueira, que tomou a dianteira e tiña amarrado o título e o ascenso, mais o Verín empatou de penalti no minuto 90 (Luisito). Á última xornada chegaron o Nogueira, o Verín e o Arenteiro con opcións de ascenso. Ascenderon os dous primeiros e o Arenteiro aproveitaría despois unha vacante en Preferente para promocionar.
Conversa de adestradores: Bruno Gómez con Antonio Cerdeiro, antes do Antela-Nogueira en setembro.
[embedded content]
Bruno, tras o 0-1 en Cartelle.
[embedded content]
Os 6 ao Maceda.
[embedded content]
Instrucións para tirar co muro.
Fonte: antela.fala.gal
