Carmen Agulló Díaz, historiadora da educación nada en Xinzo

María del Carmen Agulló Díaz naceu en Xinzo de Limia o 19 de febreiro de 1957 e é profesora e historiadora galega. É titular de Teoría e Historia da Educación na Universitat de València e unha das investigadoras da historia da educación das mulleres, sobre todo dos docentes e das docentes republicanas. É moi coñecida pola súa participación no documental dirixido en 2013 por Pilar Pérez Solano, Las maestras de la República, gañador do Goya ao mellor documental en 2014 ^[1].

Formación

Comezou os estudos na Academia Santa Mariña de Xinzo, cursou bacharelato nas Carmelitas de Ourense e no Instituto Nacional Feminino de Vigo, e estudou Pedagoxía e Psicoloxía na USC (primeira promoción do Colexio Universitario de Ourense) e a licenciatura en Psicoloxía na Complutense e en Valencia. É doutora en Pedagoxía e imparte clase nas facultades de Filosofía e Ciencias da Educación e de Maxisterio, en Valencia e Ontinyent ^[1]. Sobre outras mulleres do ensino en Xinzo, véxase Mulleres traballadoras e pioneiras de Xinzo.

Preguntas frecuentes

Ligazóns

• Parroquia: Xinzo de Limia
• Concello: Xinzo de Limia
• Persoeiros da Limia
• Famosos e deportistas da Limia
• Autores e artistas da Limia
• Xosé Manuel Cid

Fontes

1. «Carmen Agulló Díaz», Galipedia (CC BY-SA 4.0). https://gl.wikipedia.org/wiki/Carmen_Agull%C3%B3_D%C3%ADaz