Un total de 391 agricultores da provincia de Ourense comezarán a recibir axudas directas do Goberno central para mercar fertilizantes. En total, repartiranse 508.183 euros para compensar o encarecemento deste produto esencial para o campo.
A primeira listaxe de beneficiarios xa está publicada e abrangue unha superficie de 10.715 hectáreas. As axudas divídense segundo o tipo de cultivo:
- Regadío: 166.399 euros (ata 92,50 euros por hectárea).
- Secaño: 341.784 euros (ata 38,33 euros por hectárea).
As persoas interesadas poden comprobar se figuran na relación de beneficiarios e consultar a contía que lles corresponde a través da páxina web do Fondo Español de Garantía Agraria (FEGA).
O Ministerio de Agricultura ten previsto publicar en breve unha segunda listaxe, polo que o número de produtores ourensáns beneficiados e a contía total poderían aumentar nas vindeiras datas.
