Xinzo de Limia acolle os días 5 e 6 de setembro unha nova edición da feira agrícola Alimagro, que reunirá a máis dun cento de marcas nun recinto de 20.000 metros cadrados dedicado á tecnoloxía, á maquinaria e ao cultivo da pataca.
A feira, convertida xa nun referente para o sector, ofrece este ano un programa cargado de novidades:
- Demoalimagro (5 de setembro): De 09:00 a 12:30 horas, na finca de ensaio do INORDE, poderase ver maquinaria traballando en condicións reais, desde a preparación da terra ata a recolección da pataca.
- Xornada técnica sobre auga (3 de setembro): Ás 18:45 horas na Casa da Cultura, falarase sobre a xestión da auga e o rego eficiente na agricultura.
- II Cata Nacional de Patatas (4 de setembro): Unha degustación participativa de nove variedades de pataca preparadas como fritas, cocidas e en tortilla.
Ademais da zona de exposición profesional, a feira contará con obradoiros para os máis pequenos, co obxectivo de que as novas xeracións aprendan sobre a orixe dos alimentos e o valor do traballo no campo. Alimagro consolídase así como un punto de encontro clave para profesionais de toda España interesados na innovación agraria.
