As Xornadas de Folclore da Deputación de Ourense encheron este domingo Xinzo de Limia e O Carballiño con música e bailes de grupos chegados de todo o mundo.
En Xinzo de Limia, o desfile comezou ás 20:00 horas no Parque do Toural ata chegar á Praza Carlos Casares. O público puido ver as actuacións de tres grupos internacionais:
- Armenia: Sebastia Dance Ensemble (30 artistas).
- México: Compañía Nacional de Danza Folklórica (31 artistas).
- Senegal: Ballet Jammu (16 artistas).
Pola súa banda, a Praza da Veracruz do Carballiño acolleu dende as 22:30 horas un espectáculo con 92 artistas de tres países diferentes:
- Ecuador: Elenco Ñukanchik (28 artistas).
- Serbia: Folk Dance Group “Tucović” (35 artistas).
- Taiwán: YiTzy Folk Dance Theatre (29 artistas).
Estes espectáculos son de acceso gratuíto. As xornadas continuarán hoxe nos concellos de Viana do Bolo e A Pobra de Trives, levando o intercambio cultural a diferentes puntos da provincia de Ourense.
