A Deputación de Ourense pon en marcha un circuíto de cine ao aire libre que percorrerá 30 municipios durante os meses de verán. O obxectivo é levar actividades culturais ás prazas dos pobos que non contan con salas de cinema habituais.
A carteleira inclúe nove películas, con especial atención ao cinema galego e ás producións feitas en Ourense. Entre os títulos destacados figuran Rondallas, Leo & Lou e Antes de Nós.
As proxeccións terán lugar nos seguintes concellos:
- Sarreaus, Castrelo de Miño, Rubiá, Xunqueira de Espadanedo, Vilamartín de Valdeorras, Maside, Avión, Cualedro, Trasmiras e Verea.
- Esgos, A Teixeira, A Peroxa, Vilardevós, Ribadavia, A Pobra de Trives, Verín, Taboadela, Vilar de Barrio e Piñor.
- Maceda, Bande, Boborás, O Carballiño, Vilar de Santos, Larouco, Melón, Carballeda de Avia, Baños de Molgas e Lobeira.
Esta iniciativa, que conta coa colaboración de Gadis e a Asociación Española Contra o Cancro, busca ofrecer alternativas de lecer aos veciños e dinamizar a oferta turística na provincia durante a época estival.
