O presidente da Deputación de Ourense, Luis Menor, inaugurou este mércores no Centro Cultural Marcos Valcárcel a Xornada Municipal sobre Comunidades Cidadás de Enerxía e Mobilidade Eléctrica. O obxectivo deste encontro é dotar os concellos da provincia de ferramentas e solucións prácticas para avanzar cara a un modelo enerxético máis sostible e eficiente.
Durante a apertura, Menor destacou que este proceso de transformación vai máis alá da tecnoloxía, xa que permite mellorar os servizos públicos, reducir custos e aumentar a competitividade dos municipios. Sublintou o potencial de Ourense para liderar este cambio, reivindicando o papel do mundo rural, a capacidade de xeración enerxética do territorio e a importancia de modelos como o autoconsumo compartido e a mobilidade sostible.
Ao longo da xornada, presentáronse diversos casos de éxito e ferramentas específicas, destacando:
- A implantación dunha comunidade cidadá de enerxía en Jaraíz de la Vera (Cáceres).
- O proxecto Rural MOVE, desenvolvido no concello ourensán de San Xoán de Río.
O evento finalizou cun chamamento á cooperación institucional e ao intercambio de coñecemento, con o fin de utilizar a transición enerxética como un motor de innovación, aforro e desenvolvemento económico para toda a provincia.
