A Deputación de Ourense, en colaboración coa Federación Galega de Baloncesto (FEGABA), presentou o novo Circuíto Basket 3×3 Deputación de Ourense. Esta iniciativa, enmarcada no Programa de Fomento Deportivo 2026, ten como obxectivo promover hábitos de vida saudables e democratizar o acceso ao baloncesto mediante un formato dinámico e accesible en distintos puntos da provincia.
A competición percorrerá seis concellos durante os meses de agosto e setembro, segundo o seguinte calendario de sedes:
- Muíños: 16 de agosto
- Ribadavia: 21 de agosto
- O Carballiño: 22 de agosto
- Xinzo de Limia: 29 de agosto
- Allariz: 30 de agosto
- O Barco de Valdeorras: 5 de setembro
O torneo está aberto tanto a xogadores federados como non federados, permitindo a participación de equipos masculinos, femininos ou mixtos. As categorías competidas serán:
- Preminibasket e minibasket
- Infantil e cadete
- Xúnior e sénior
Os dous equipos finalistas de cada categoría en cada sede obterán a clasificación para a gran final provincial, que se celebrará o 19 de setembro no Pazo dos Deportes Paco Paz de Ourense. Cada xornada contará ademais con actividades de animación e programación complementaria.
