No marco do encontro internacional Rural University Hub, celebrado en San Xoán de Río, as alcaldías de Oimbra, O Riós, Porqueira e San Xoán de Río, xunto á Fundación Finnova, asinaron a adhesión ao Manifesto Internacional pola Economía Circular Glocal. Esta iniciativa, que ten súa orixe en Ibagué (Colombia), busca promover a economía circular como un motor para xerar oportunidades económicas, protexer o medio ambiente e fortalecer a cohesión social nos territorios rurais.
O acordo pretende situar aos pequenos municipios rurais no centro da innovación, apostando por modelos de desenvolvemento sostibles e resilientes. Entre os eixos principais da iniciativa destacan a bioeconomía, as enerxías renovables, a xestión sostible da auga, a creación de emprego verde e a atracción de talento cara ao medio rural.
Esta unión simboliza un paso estratéxico para conectar o rural galego con redes internacionais de innovación e transferencia de coñecemento, permitindo que os territorios rurais actúen como protagonistas activos na afrontar os retos demográficos, económicos e sociais do presente século.
Persoas asinantes do acordo:
- Ana María Villarino Pardo: Alcaldesa de Oimbra.
- José Miguel Pérez Blecua: Alcalde de San Xoán de Río.
- Eva María Barrio López: Alcaldesa de O Riós.
- Susana Vázquez Dorado: Alcaldesa de Porqueira.
- Juan Manuel Revuelta: Director xeral da Fundación Finnova.
