O Concello de Xinzo de Limia acolleu a presentación de once proxectos destinados á creación dunha nova identidade visual e corporativa para o municipio. Estas propostas foron elaboradas polo alumnado do Grao en Publicidade e Relacións Públicas de CESUGA, como parte dun convenio de colaboración formativa entre ambas institucións.
No acto participaron os estudantes autores dos proxectos, a directora da titulación Margarita Borreguero e o profesor Borja López. Pola parte municipal, asistiron o alcalde Amador Díaz e membros do seu equipo de goberno, quen analizaron os resultados destas investigacións académicas orientadas a aplicar coñecementos teóricos á imaxe institucional do concello.
Como etapa final deste acordo de colaboración, anunciarase próximamente a presentación dun proxecto desenvolvido polo Grao en Arquitectura, centrado na proposta para o Centro de Interpretación e Estudos na contorna do Mosteiro de Trandeiras.
